ຈົດໝາຍຂອງໂປໂລ ເຖິງຄຣິສຕະຈັກໃນເມືອງ ເອເຟໂຊ

1	ເພາະສັນນັ້ນທ່ານທັງຫລາຍ ຈົ່ງເປັນຜູ້ດຳເນີນຊີວິດຕາມແບບຢ່າງພຣະເຈົ້າເໝືອນເປັນບຸດທີ່ຮັກ.	Be ye therefore imitators of God, as beloved children;
2	ແລະຈົ່ງດຳເນີນຊີວິດນັ້ນໃນຄວາມຮັກ ເໝືອນດັ່ງພຣະຄຣິດໄດ້ຊົງຮັກທ່ານທັງຫລາຍ ແລະຊົງສະຫລະພຣະອົງເອງເພື່ອພວກເຮົາ ໃຫ້ເປັນເຄື່ອງບູຊາແລະເຄື່ອງຖວາຍທີ່ມີກິ່ນຫອມຫວານແກ່ພຣະເຈົ້າ.	and walk in love, even as Christ also loved you, and gave himself up for us, an offering and a sacrifice to God for an odor of a sweet smell.
3	ແຕ່ການເອີ່ຍເຖິງການຫລິ້ນຊູ້, ການຊົ່ວຮ້າຍທຸກຢ່າງ, ຫລືຄວາມໂລພະຕັນຫາກໍດີ ຢ່າໃຫ້ມີຂຶ້ນໃນຖ້າມກາງທ່ານທັງຫລາຍ ເພື່ອຈະໄດ້ເໝາະສົມກັບພວກທ່ານເປັນໄພ່ພົນຂອງພຣະເຈົ້າ.	But fornication, and all uncleanness, or covetousness, let it not even be named among you, as becometh saints;
4	ທັງຢ່າກ່າວຄຳຫຍາບຊ້າ, ຢ່າເວົ້າຢ່າງບໍ່ມີແກ່ນສານ, ຫລືເວົ້າຕະຫລົກຫລິ້ນ ຊຶ່ງເປັນການບໍ່ສົມຄວນ ແຕ່ໃຫ້ມີການຂອບພຣະຄຸນດີກວ່າ.	nor filthiness, nor foolish talking, or jesting, which are not befitting: but rather giving of thanks.
5	ເພາະວ່າເລື່ອງນີ້ທ່ານທັງຫລາຍຄົງຮູ້ແນ່ວ່າ ຄົນຫລິ້ນຊູ້, ຄົນຊົ່ວຮ້າຍ ຄົນໂລພະຕັນຫາ (ທີ່ເປັນເໝືອນຄົນທີ່ໄຫວ້ພຣະທຽມ) ກໍດີ ຈະມີສ່ວນໃນລາຊະອານາຈັກຂອງພຣະຄຣິດແລະຂອງພຣະເຈົ້າບໍ່ໄດ້.	For this ye know of a surety, that no fornicator, nor unclean person, nor covetous man, who is an idolater, hath any inheritance in the kingdom of Christ and God.
6	ຢ່າໃຫ້ຜູ້ໃດລໍ້ລວງພວກທ່ານດ້ວຍຄຳເວົ້າອັນໄຮ້ປະໂຫຍດ ເພາະການເຮັດເຫລົ່ານີ້ແຫລະ, ພຣະພິໂລດຂອງພຣະເຈົ້າຈຶ່ງຕົກໃສ່ຄົນທັງຫລາຍທີ່ບໍ່ຍອມເຊື່ອຟັງ.	Let no man deceive you with empty words: for because of these things cometh the wrath of God upon the sons of disobedience.
7	ເຫດສັນນັ້ນທ່ານທັງຫລາຍຢ່າຄົບຫາສະມາຄົມກັບຄົນເຫລົ່ານັ້ນຈັກເທື່ອ.	Be not ye therefore partakers with them;
8	ເພາະວ່າເມື່ອກ່ອນ, ທ່ານທັງຫລາຍຢູ່ຝ່າຍຄວາມມືດ ແຕ່ບັດນີ້ກໍຢູ່ຝ່າຍຄວາມສະຫວ່າງໃນອົງພຣະຜູ້ເປັນເຈົ້າ ຈົ່ງດຳເນີນຊີວິດເໝືອນຢູ່ຝ່າຍຄວາມສະຫວ່າງແລ້ວ.	For ye were once darkness, but are now light in the Lord: walk as children of light
9	(ດ້ວຍວ່າ ຜົນຂອງພຣະວິນຍານນັ້ນຄືຄວາມດີ ແລະຄວາມຊອບທຳກັບຄວາມຈິງທຸກຢ່າງ).	(for the fruit of the light is in all goodness and righteousness and truth),
10	ທ່ານທັງຫລາຍຈົ່ງພະຍາຍາມຮຽນຮູ້ຈັກວ່າ ເຮັດສິ່ງໃດຈຶ່ງຈະເປັນທີ່ຊອບພຣະໄທອົງພຣະຜູ້ເປັນເຈົ້າ.	proving what is well-pleasing unto the Lord;
11	ແລະຢ່າເຂົ້າສ່ວນກັບກິດຈະການຂອງຄວາມມືດທີ່ບໍ່ມີປະໂຫຍດ ແຕ່ຈົ່ງເປີດເຜີຍກິດຈະການນັ້ນໃຫ້ປະກົດດີກວ່າ.	and have no fellowship with the unfruitful works of darkness, but rather even reprove them;
12	ເພາະວ່າແມ່ນແຕ່ຈະເວົ້າເຖິງການເຫລົ່ານັ້ນທີ່ເຂົາເຮັດໃນທີ່ລັບລີ້ກໍຍັງເປັນການໜ້າອາຍ.	for the things which are done by them in secret it is a shame even to speak of.
13	ແຕ່ເມື່ອສິ່ງສາລະພັດຖືກເປີດເຜີຍອອກໂດຍຄວາມສະຫວ່າງ ສິ່ງນັ້ນກໍປະກົດແຈ້ງ ເພາະວ່າທຸກສິ່ງທີ່ໃຫ້ປະກົດແຈ້ງກໍຄືຄວາມສະຫວ່າງ.	But all things when they are reproved are made manifest by the light: for everything that is made manifest is light.
14	ເຫດສັນນັ້ນຈຶ່ງມີຄຳກ່າວວ່າ, “ຄົນທີ່ນອນຫລັບເອີຍ, ຈົ່ງຕື່ນຂຶ້ນ ຈົ່ງຟື້ນຂຶ້ນມາຈາກຄວາມຕາຍ ແລະພຣະຄຣິດຈະສ່ອງສະຫວ່າງໃສ່ເຈົ້າ.” \f	Wherefore [he] saith, Awake, thou that sleepest, and arise from the dead, and Christ shall shine upon thee.
15	ເຫດສັນນັ້ນທ່ານທັງຫລາຍຈົ່ງລະວັງໃນການດຳເນີນຊີວິດໃຫ້ດີ ຢ່າໃຫ້ເໝືອນຄົນໄຮ້ປັນຍາ ແຕ່ໃຫ້ເໝືອນຄົນມີປັນຍາ.	Look therefore carefully how ye walk, not as unwise, but as wise;
16	ຈົ່ງສວຍເອົາໂອກາດ ເພາະວ່າທຸກວັນນີ້ເປັນຄາວຊົ່ວຮ້າຍ.	redeeming the time, because the days are evil.
17	ເຫດສັນນັ້ນຢ່າເປັນຄົນໂງ່ ແຕ່ຈົ່ງເຂົ້າໃຈນ້ຳພຣະໄທຂອງອົງພຣະຜູ້ເປັນເຈົ້າວ່າເປັນຢ່າງໃດ.	Wherefore be ye not foolish, but understand what the will of the Lord is.
18	ແລະຢ່າເມົາເຫລົ້າແວງ ຊຶ່ງພາໃຫ້ເສຍຄົນ ແຕ່ຈົ່ງເຕັມດ້ວຍພຣະວິນຍານກໍດີກວ່າ.	And be not drunken with wine, wherein is riot, but be filled with the Spirit;
19	ຈົ່ງສົນທະນາກັນດ້ວຍເພງສັນລະເສີນ, ເພງນະມັດສະການ, ແລະເພງຍ້ອງຍໍສໍລະເສີນຝ່າຍພຣະວິນຍານ ຄືຮ້ອງເພງແລະສັນລະເສີນຈາກໃຈຂອງທ່ານທັງຫລາຍຖວາຍແດ່ອົງພຣະຜູ້ເປັນເຈົ້າ.	speaking one to another in psalms and hymns and spiritual songs, singing and making melody with your heart to the Lord;
20	ຈົ່ງຂອບພຣະຄຸນພຣະເຈົ້າ ຄືພຣະບິດາສຳລັບສິ່ງສາລະພັດສະເໝີ ໃນພຣະນາມຂອງພຣະເຢຊູຄິດເຈົ້າຂອງເຮົາທັງຫລາຍ.	giving thanks always for all things in the name of our Lord Jesus Christ to God, even the Father;
21	ເນື່ອງດ້ວຍເຈົ້າມີຄວາມຢຳເກງພຣະຄຣິດ ຈົ່ງຍອມຟັງເຊິ່ງກັນແລະກັນ.	subjecting yourselves one to another in the fear of Christ.
22	ຝ່າຍພັນລະຍາ, ຈົ່ງຍອມຢູ່ໃຕ້ບັງຄັບສາມີຂອງຕົນ ເໝືອນຍອມຟັງອົງພຣະຜູ້ເປັນເຈົ້າ.	Wives, [be in subjection] unto your own husbands, as unto the Lord.
23	ເພາະວ່າສາມີເປັນສີສະຂອງພັນລະຍາ ເໝືອນພຣະຄຣິດຊົງເປັນປະມຸກຂອງຄຣິສຕະຈັກ ຊຶ່ງເປັນພຣະກາຍຂອງພຣະອົງ ແລະພຣະອົງຊົງເປັນຜູ້ໂຜດໃຫ້ຄຣິສຕະຈັກນັ້ນພົ້ນ.	For the husband is the head of the wife, and Christ also is the head of the church, [being] himself the saviour of the body.
24	ຄຣິສຕະຈັກຍອມຢູ່ໃຕ້ບັງຄັບຂອງພຣະຄຣິດສັນໃດ ພັນລະຍາກໍຄວນຍອມຢູ່ໃຕ້ບັງຄັບສາມີຂອງຕົນທຸກປະການສັນນັ້ນ.	But as the church is subject to Christ, so [let] the wives also [be] to their husbands in everything.
25	ຝ່າຍສາມີ, ຈົ່ງຮັກພັນລະຍາຂອງຕົນ ເໝືອນດັ່ງພຣະຄຣິດໄດ້ຊົງຮັກຄຣິສຕະຈັກ ແລະຊົງສະຫລະພຣະອົງເອງເພື່ອຄຣິສຕະຈັກ.	Husbands, love your wives, even as Christ also loved the church, and gave himself up for it;
26	ເພື່ອຊົງຕັ້ງຄຣິສຕະຈັກນັ້ນໄວ້ສຳລັບພຣະເຈົ້າໂດຍການຊົງຊຳລະດ້ວຍນ້ຳກັບດ້ວຍຖ້ອຍຄຳ. \f	that he might sanctify it, having cleansed it by the washing of water with the word,
27	ເພື່ອພຣະອົງນັ້ນຈະໄດ້ຮັບຄຣິສຕະຈັກສຳລັບພຣະອົງເອງ ຄືຄຣິສຕະຈັກທີ່ມີສະຫງ່າລາສີ, ບໍ່ມີຈຸດດ່າງພອຍຫລືຮອຍໜັງຫ່ຽວ, ແລະສິ່ງອື່ນໆ ໃນທຳນອງນັ້ນ ເພື່ອຄຣິສຕະຈັກຈະບໍລິສຸດບໍ່ມີຕຳໜິ.	that he might present the church to himself a glorious [church], not having spot or wrinkle or any such thing; but that it should be holy and without blemish.
28	ຢ່າງນັ້ນແຫລະ, ສາມີຈຶ່ງຄວນຮັກພັນລະຍາຂອງຕົນເໝືອນກັບຮັກກາຍຂອງຕົນເອງ ຜູ້ທີ່ຮັກພັນລະຍາຂອງຕົນກໍຮັກຕົນເອງ.	Even so ought husbands also to love their own wives as their own bodies. He that loveth his own wife loveth himself:
29	ເພາະວ່າບໍ່ມີຜູ້ໃດກຽດຊັງເນື້ອກາຍຂອງຕົນເອງຈັກເທື່ອ ມີແຕ່ບຳລຸງຖະໜອມລ້ຽງໄວ້ ເໝືອນດັ່ງພຣະຄຣິດຊົງກະທຳແກ່ຄຣິສຕະຈັກ.	for no man ever hated his own flesh; but nourisheth and cherisheth it, even as Christ also the church;
30	ເພາະວ່າເຮົາທັງຫລາຍເປັນອະໄວຍະວະແຫ່ງພຣະກາຍຂອງພຣະອົງ.	because we are members of his body.
31	“ເພາະເຫດນີ້ຜູ້ຊາຍຈຶ່ງຈະລະບິດາມານດາຂອງຕົນໄປຜູກພັນກັບພັນລະຍາ ແລະເຂົາທັງສອງຈະເປັນກາຍອັນດຽວກັນ.”	For this cause shall a man leave his father and mother, and shall cleave to his wife; and the two shall become one flesh.
32	ຄວາມຈິງທີ່ຝັງຢູ່ໃນຂໍ້ນີ້ກໍເລິກເຊິ່ງ ແຕ່ສ່ວນຂ້າພະເຈົ້າ, ເຂົ້າໃຈວ່າໝາຍເຖິງພຣະຄຣິດແລະຄຣິສຕະຈັກ.	This mystery is great: but I speak in regard of Christ and of the church.
33	ເຖິງຢ່າງໃດກໍດີ, ພວກທ່ານທຸກຄົນຈົ່ງຮັກພັນລະຍາຂອງຕົນເໝືອນຮັກຕົນເອງ ແລະພັນລະຍາກໍຈົ່ງຢຳເກງສາມີຂອງຕົນ.	Nevertheless do ye also severally love each one his own wife even as himself; and [let] the wife [see] that she fear her husband.