1ຖ້າຢ່າງນັ້ນຄົນຢິວຈະໄດ້ປຽບກວ່າຄົນອື່ນຢ່າງໃດ ຫລືການຮັບພິທີຕັດຈະມີປະໂຫຍດອັນໃດ.2ກໍມີປະໂຫຍດຫລາຍໃນທຸກສິ່ງ ເປັນຕົ້ນວ່າ ພຣະເຈົ້າໄດ້ຊົງມອບພຣະທຳໂອວາດໃຫ້ພວກຢິວຮັກສາ.3ເຖິງແມ່ນມີບາງຄົນບໍ່ສັດຊື່ ຄວາມບໍ່ສັດຊື່ຂອງເຂົານັ້ນຈະເຮັດໃຫ້ຄວາມສັດຊື່ຂອງພຣະເຈົ້າເສຍປະໂຫຍດຫລື.4ບໍ່ແມ່ນຢ່າງນັ້ນດອກ ເຖິງແມ່ນວ່າທຸກຄົນເປັນຄົນຕົວະກໍຕາມ ຂໍໃຫ້ພຣະເຈົ້າສັດຊື່ທ່ຽງທຳ ຕາມຂຽນໄວ້ໃນພຣະຄຳພີວ່າ, “ເພື່ອພຣະອົງຈະໄດ້ປະກົດວ່າຊົງເປັນຜູ້ທ່ຽງທຳໃນຖ້ອຍຄຳທັງຫລາຍຂອງພຣະອົງແລະຊົງມີໄຊເມື່ອເຂົາກ່າວໂທດໃສ່ພຣະອົງ.”
5ແຕ່ຖ້າວ່າຄວາມອະທຳຂອງພວກເຮົາ ເປັນເຫດໃຫ້ເຫັນຄວາມຍຸດຕິທຳຂອງພຣະເຈົ້າແລ້ວ ພວກເຮົາຈະວ່າຢ່າງໃດ ຈະວ່າພຣະເຈົ້າລົງໂທດໂດຍບໍ່ຍຸດຕິທຳຢ່າງນັ້ນຫລື (ເຮົາເວົ້າຢ່າງມະນຸດ).6ບໍ່ແມ່ນຢ່າງນັ້ນດອກ ຖ້າແມ່ນຢ້າງນັ້ນແລ້ວພຣະເຈົ້າຈະຊົງພິພາກສາໂລກໄດ້ຢ່າງໃດ.7ແຕ່ຖ້າວ່າຄວາມຕົວະລ່າຍຂອງເຮົາເປັນເຫດໃຫ້ຄວາມທ່ຽງທຳຂອງພຣະເຈົ້າໄດ້ປະກົດແຈ້ງຄັກ ແລະເປັນທີ່ໃຫ້ເກີດກຽດຕິຍົດແກ່ພຣະອົງ ເປັນຫຍັງເຮົາຈິ່ງຍັງຖືກຊົງລົງໂທດເໝືອນເປັນຄົນຜິດບາບ.8ແລະເປັນຫຍັງເຮົາຈິ່ງບໍ່ເຮັດຊົ່ວເພື່ອຄວາມດີຈະເກີດຂຶ້ນຈາກຄວາມຊົ່ວນັ້ນ ຕາມທີ່ບາງຄົນເລົ່າລືແລະນິນທາຫາວ່າເຮົາໄດ້ກ່າວຢ່າງນັ້ນແລ້ວ ການລົງໂທດຄົນຢ່າງນັ້ນກໍຍຸດຕິທຳແລ້ວ.
ບໍ່ມີຄົນຊອບທຳ
9ຖ້າດັ່ງນັ້ນແລ້ວຈະເປັນຢ່າງໃດ ເຮົາຄົນຢິວຈະໄດ້ປຽບກວ່າຫລືບໍ່
ປະໂຫຍກນີ້ອາດແປວ່າ (1) “ເຂົາຈະໄດ້ປຽບກວ່າຫລື” (2) “ເຮົາກຳລັງສະເໜີຄວາມແກ້ຕົວບໍ່.”
ບໍ່ແມ່ນຢ່າງນັ້ນດອກ ດ້ວຍວ່າເຮົາໄດ້ຟ້ອງແລ້ວວ່າ ທັງຄົນຢິວແລະຄົນຕ່າງຊາດກໍຢູ່ໃຕ້ອຳນາດຂອງຄວາມຜິດບາບທຸກຄົນ.10ດັ່ງມີຄຳຂຽນໄວ້ໃນພຣະຄຳພີວ່າ,"ບໍ່ມີຄົນຊອບທຳຈັກຄົນໜຶ່ງຄົນດຽວ
11ບໍ່ມີຄົນທີ່ເຂົ້າໃຈ ບໍ່ມີຄົນທີ່ສະແຫວງຫາພຣະເຈົ້າ
12ທຸກຄົນໄດ້ຫລົງເວັ້ນໄປ ເຂົາພາກັນເປັນຄົນຊົ່ວໄປໝົດ
ຜູ້ເຮັດການດີບໍ່ມີຈັກຄົນດຽວ
13ລຳຄໍຂອງເຂົາຄືຂຸມຝັງຊາກສົບທີ່ໄຂຢູ່
ເຂົາໃຊ້ລີ້ນຂອງເຂົາໃນການລໍ້ລວງ
ມີພິດງູຮ້າຍຢູ່ໃຕ້ຮິມປາກຂອງເຂົາ
14ປາກຂອງເຂົາເຕັມໄປດ້ວຍຄຳປ້ອຍດ່າແລະຄຳຂົມຂື່ນ
15ຕີນຂອງເຂົາວ່ອງໄວໃນການເຮັດໃຫ້ນອງເລືອດ
16ເຂົາຍ່ອມຖິ້ມຄວາມເສຍຫາຍແລະຄວາມທຸກໄວ້ໃນທາງທີ່ເຂົາເດີນໄປ
17ແລະເຂົາບໍ່ຮູ້ຈັກຫົນທາງແຫ່ງຄວາມສະຫງົບສຸກ
18ເຂົາບໍ່ເຄີຍຄຶດທີ່ຈະຢຳເກງພຣະເຈົ້າ.”
19ແຕ່ເຮົາທັງຫລາຍຮູ້ຢູ່ວ່າພຣະບັນຍັດທຸກຂໍ້ທີ່ໄດ້ກ່າວນັ້ນ ກໍກ່າວແກ່ຄົນເຫລົ່ານັ້ນທີ່ຢູ່ໃຕ້ພຣະບັນຍັດເພື່ອອັດປາກທຸກຄົນ ແລະເພື່ອໃຫ້ມະນຸດທຸກຄົນໃນໂລກຢູ່ໃຕ້ການພິພາກສາຂອງພຣະເຈົ້າ.20ເພາະວ່າໃນສາຍພຣະເນດຂອງພຣະເຈົ້າບໍ່ມີມະນຸດຄົນໃດຈະຊົງຖືວ່າເປັນຜູ້ຊອບທຳດ້ວຍການເຮັດຕາມພຣະບັນຍັດ ເພາະວ່າພຣະບັນຍັດໄດ້ເຮັດໃຫ້ສັງເກດຮູ້ຈັກຄວາມບາບ.
ຄວາມຊອບທຳໂດຍທາງຄວາມເຊື່ອ
21ແຕ່ບັດນີ້ຄວາມຊອບທຳຊຶ່ງມາຈາກພຣະເຈົ້າ ໄດ້ປະກົດນອກຈາກພຣະບັນຍັດ (ມີພຣະບັນຍັດແລະຜູ້ປະກາດພຣະທຳເປັນພະຍານຢູ່).22ຄືຄວາມຊອບທຳທີ່ມາຈາກພຣະເຈົ້າ ຊຶ່ງຊົງປະທານແກ່ຜູ້ທີ່ເຊື່ອທຸກຄົນ ດ້ວຍອາໃສຄວາມເຊື່ອໃນພຣະເຢຊູຄຣິດ ເພາະວ່າຄົນທັງຫລາຍສະເໝີກັນທຸກຄົນ.23ດ້ວຍວ່າທຸກຄົນໄດ້ເຮັດຜິດບາບ ແລະຂາດຈາກພຣະລັດສະໝີຂອງພຣະເຈົ້າ.24ແຕ່ພຣະເຈົ້າຊົງຖືວ່າເຂົາເປັນຄົນຊອບທຳ ດ້ວຍພຣະກະລຸນາຄຸນຂອງພຣະອົງທີ່ບໍ່ຄິດວ່າ ຄືດ້ວຍການຊົງໄຖ່ໄວ້ຊຶ່ງມີຢູ່ໃນພຣະເຢຊູຄຣິດ.25ທີ່ພຣະເຈົ້າໄດ້ຊົງໃຫ້ປະກົດ ເພື່ອໃຫ້ເປັນຜູ້ໄຖ່ໂທດແທນບາບໂດຍຄວາມເຊື່ອໃນພຣະໂລຫິດຂອງພຣະອົງ ອັນນີ້ກໍເພື່ອສະແດງໃຫ້ເຫັນຄວາມຍຸດຕິທຳຂອງພຣະເຈົ້າ ໃນການທີ່ພຣະອົງໄດ້ຊົງອົດກັ້ນພຣະໄທໄວ້ ແລະບໍ່ໄດ້ຊົງລົງໂທດມະນຸດທີ່ໄດ້ເຮັດຜິດບາບໄປແລ້ວນັ້ນ.26ແລະເພື່ອຈະຊົງສະແດງໃນປັດຈຸບັນວ່າພຣະອົງຊົງເປັນຜູ້ຍຸດຕິທຳ ແລະຊົງໂຜດຜູ້ທີ່ເຊື່ອໃນພຣະເຢຊູເປັນຜູ້ຊອບທຳດ້ວຍ.
27ເມື່ອເປັນຢ່າງນັ້ນແລ້ວເຮົາຈະເອົາອັນໃດມາອວດ ກໍໝົດຫົນທາງ ຈະອ້າງຫລັກອັນໃດວ່າໝົດຫົນທາງ ຈະອ້າງຫລັກການປະຕິບັດຕາມພຣະບັນຍັດຫລື ບໍ່ແມ່ນດອກ ແຕ່ຕ້ອງອ້າງເອົາຫລັກຂອງຄວາມເຊື່ອ.28ດ້ວຍວ່າພວກເຮົາເຫັນວ່າຄົນໜຶ່ງຄົນໃດຈະຊົງຖືວ່າຊອບທຳໄດ້ ກໍໂດຍອາໃສຄວາມເຊື່ອນອກຈາກການປະຕິບັດຕາມພຣະບັນຍັດ.29ຫລືວ່າພຣະເຈົ້ານັ້ນຊົງເປັນພຣະເຈົ້າຂອງຊາດຢິວຊາດດຽວເທົ່ານັ້ນຫລື ພຣະອົງບໍ່ຊົງເປັນພຣະເຈົ້າຂອງຄົນຕ່າງຊາດດ້ວຍຫລື ແມ່ນແລ້ວ ພຣະອົງຊົງເປັນພຣະເຈົ້າຂອງຄົນຕ່າງຊາດດ້ວຍ.30ເຫດວ່າພຣະອົງຊົງເປັນພຣະເຈົ້າແຕ່ອົງດຽວ ແລະພຣະອົງຊົງໂຜດຖືວ່າຄົນທີ່ຮັບພິທີຕັດນັ້ນເປັນຄົນຊອບທຳດ້ວຍຄວາມເຊື່ອ ແລະຈະຊົງໂຜດຖືວ່າຄົນທີ່ບໍ່ໄດ້ຮັບພິທີຕັດນັ້ນເປັນຄົນຊອບທຳ ດ້ວຍຄວາມເຊື່ອເໝືອນກັນ.31ຖ້າຢ່າງນັ້ນພວກເຮົາຈະລຶບລ້າງພຣະບັນຍັດດ້ວຍຄວາມເຊື່ອຫລື ບໍ່ແມ່ນຢ່າງນັ້ນດອກ ແຕ່ພວກເຮົາຍັງເປັນຜູ້ສະໜັບສະໜູນພຣະບັນຍັດອີກ.