1ຄວາມສຸກເປັນຂອງຄົນ ຜູ້ທີ່ບໍ່ເຮັດຕາມຄຳແນະນຳຂອງຄົນຊົ່ວ
ຜູ້ທີ່ບໍ່ປະພຶດຕາມແບບຢ່າງຂອງຄົນບາບ ຫລືບໍ່ຕິດພັນກັບພວກທີ່ປະໝາດພຣະເຈົ້າ.
2ແຕ່ວ່າຄວາມສຸກເປັນຂອງຜູ້ທີ່ມັກອ່ານພຣະທຳຂອງພຣະຜູ້ເປັນເຈົ້າ
ແລະຮຽນຮູ້ເອົາທຸກມື້ທຸກຄືນ.
3ຄົນຜູ້ນີ້ເປັນຄືຕົ້ນໄມ້ທີ່ປູກໃກ້ລຳນ້ຳ ຊຶ່ງມີໃບຂຽວສົດງົດງາມ
ແລະເກີດໝາກຕາມລະດູ ລາວກະທຳທຸກສິ່ງກໍສຳເລັດຜົນ.
4ແຕ່ວ່າຄົນຊົ່ວບໍ່ເປັນຢ່າງນີ້ເລີຍ
ລາວເປັນເໝືອນຂີ້ແກບທີ່ລົມພັດປິວໄປ.
5ພຣະເຈົ້າຈະຕັດສິນລົງໂທດຄົນຊົ່ວ
ຄົນບາບຈະຖືກກຳຈັດໜີຈາກຄົນຊອບທຳ
6ພຣະຜູ້ເປັນເຈົ້າຊົງພິພາກສາຄົນຊອບທຳ
ແຕ່ວ່າຄົນຊົ່ວຈະຖືກປະປ່ອຍໃຫ້ດັບສູນໄປ.