ລາຍຊື່ເພື່ອນຮ່ວມງານຂອງເອັດຊະຣາ
1ຕໍ່ໄປນີ້ແມ່ນລາຍຊື່ຫົວໜ້າຂອງຕະກູນຕ່າງໆ ທີ່ຖືກຈັບໄປເປັນຊະເລີຍໃນບາບີໂລນ ແຕ່ໄດ້ກັບຄືນມາຍັງກຸງເຢຣູຊາເລັມນຳເອັດຊະຣາ ໃນຄາວທີ່ກະສັດອາຕາເຊເຊັດເປັນຈັກກະພັດ:
| 2 | ຈາກຕະກູນຟີເນຮາດ ມີ ເກໂຊມ ຈາກຕະກູນອີທາມາ ມີ ດານີເອນ ຈາກຕະກູນດາວິດ ມີ ຮັດຕຸຊະ3ຈາກຕະກູນເຊການີອາ ຈາກຕະກູນປາຣົດ ມີ ເຊຄາຣີຢາ ພ້ອມກັບເພິ່ນມີ ຜູ້ຊາຍຜູ້ຂຶ້ນທະບຽນໄວ້ | 150 ຄົນ |
| 4 | ຈາກຕະກູນປາຮາດໂມອາບ ມີ ເອລີເອໂຮນາຍ ລູກຊາຍເຊຣາຮີຢາ ພ້ອມກັບເພິ່ນມີຜູ້ຊາຍ | 200 ຄົນ |
| 5 | ຈາກຕະກູນເຊການີອາ ມີ ລູກຊາຍຂອງຢາຮາຊີເອນ ພ້ອມກັບເພິ່ນມີຜູ້ຊາຍ | 300 ຄົນ |
| 6 | ຈາກຕະກູນອາດິນ ມີ ເອເບັດ ລູກຊາຍໂຢນາທານ ພ້ອມກັບເພິ່ນມີຜູ້ຊາຍ | 50 ຄົນ |
| 7 | ຈາກຕະກູນເອລາມ ມີ ເຢຊາຢາ ລູກຊາຍອາທາລີຢາ ພ້ອມກັບເພິ່ນມີຜູ້ຊາຍ | 70 ຄົນ |
| 8 | ຈາກຕະກູນເຊຟາຕີຢາ ມີ ເຊບາດີຢາ ລູກຊາຍມີກາເອນ ພ້ອມກັບເພິ່ນມີຜູ້ຊາຍ | 80 ຄົນ |
| 9 | ຈາກຕະກູນໂຢອາບ ມີ ໂອບາດີຢາລູກຊາຍເຢຮີເອນ ພ້ອມກັບເພິ່ນມີຜູ້ຊາຍ | 218 ຄົນ |
| 10 | ຈາກຕະກູນເຊໂລມິດ ມີ ລູກຊາຍຂອງໂຢສີຟີຢາ ພ້ອມກັບເພິ່ນມີຜູ້ຊາຍ | 160 ຄົນ |
| 11 | ຈາກຕະກູນເບບາຍ ມີ ເຊຄາຣີຢາ ລູກຊາຍເບບາຍ ພ້ອມກັບເພິ່ນມີຜູ້ຊາຍ | 28 ຄົນ |
| 12 | ຈາກຕະກູນອາຊະກາດ ມີ ໂຢຮານານ ລູກຊາຍຮັກກາຕານ ພ້ອມກັບເພິ່ນມີຜູ້ຊາຍ | 110 ຄົນ |
| 13 | ຈາກຕະກູນອາໂດນີກາມມີຜູ້ທີ່ມາພາຍຫລັງ ຕໍ່ໄປນີ້ເປັນຊື່ຂອງພວກເຂົາ ຄື ເອລີເຟເລັດ ເຢອູເອນ ແລະເຊມາຢາ ພ້ອມກັບພວກເຂົາມີຜູ້ຊາຍ | 60 ຄົນ |
| 14 | ຈາກຕະກູນບິກວາຍ ມີອຸທາຍ ແລະຊາກູເຣ ພ້ອມກັບພວກເຂົາທັງສອງມີຜູ້ຊາຍ | 70 ຄົນ |
ເອັດຊະຣາຕ້ອງການໃຫ້ມີຄົນເລວີ ແລະຄົນໃຊ້ປະຈຳພຣະວິຫານໄປເພີ່ມເຕີມ
15ຂ້າພະເຈົ້າໄດ້ຮວບຮວມພວກເຂົາທັງຫລາຍເຂົ້າມາຍັງແມ່ນ້ຳທີ່ໄຫລໄປສູ່ອາຮາວາ ເຮົາຕັ້ງຄ້າຍຢູ່ບ່ອນນັ້ນສາມມື້ ເມື່ອຂ້າພະເຈົ້າສຳຫລວດເບິ່ງປະຊາຊົນ ແລະປະໂລຫິດ ຂ້າພະເຈົ້າບໍ່ເຫັນເຊື້ອສາຍຂອງເລວີບ່ອນນັ້ນເລີຍ16ແລ້ວຂ້າພະເຈົ້າຈຶ່ງໃຫ້ໄປເອີ້ນເອລີເອເຊ ອາຣີເອນ ເຊມາຢາ ເອນນາທານ ຢາຣິບ ເອນນາທານ ນາທານ ເຊຄາຣີຢາ ແລະເມຊຸນລຳ ບຸກຄົນຊັ້ນຫົວໜ້າ ແລະໃຫ້ຫາໂຢຢາຣິບ ກັບເອນນາທານ ຜູ້ເປັນຄົນມີຄວາມເຂົ້າໃຈ17ແລ້ວສົ່ງພວກເຂົາດ້ວຍຄຳສັ່ງໄປຍັງທ່ານອິດໂດ ບຸກຄົນຊັ້ນຫົວໜ້າຍັງສະຖານທີ່ທີ່ຊື່ກາຊິເຟຍ ຄືໃຫ້ບອກອິດໂດແລະພີ່ນ້ອງຂອງເພິ່ນຜູ້ເປັນຄົນໃຊ້ປະຈຳພຣະວິຫານໃນກາຊິເຟຍວ່າ ຂໍສົ່ງຜູ້ບົວລະບັດສຳລັບພຣະວິຫານຂອງພຣະເຈົ້າຂອງເຮົາມາຍັງເຮົາ
18ແລະໂດຍພຣະຫັດທີ່ຊົງພຣະຄຸນຂອງພຣະເຈົ້າຂອງເຮົາຢູ່ກັບເຮົາ ພວກເຂົາໄດ້ນຳຄົນທີ່ມີຄວາມສາມາດມາໃຫ້ເຮົາ ເປັນເຊື້ອສາຍຂອງມາລີລູກຊາຍເລວີ ຜູ້ເປັນລູກຊາຍອິສຣາເອນ ຊື່ເຊເຣບີຢາ ກັບລູກຊາຍ ແລະຍາດພີ່ນ້ອງລວມສິບແປດຄົນ19ທັງຮາຊາບີຢາ ແລະເຢຊາຢາ ເຊື້ອສາຍຂອງເມຣາຣີກັບຍາດພີ່ນ້ອງ ແລະລູກຊາຍຂອງພວກເຂົາລວມຊາວຄົນ20ຄົນໃຊ້ປະຈຳພຣະວິຫານ ຊຶ່ງດາວິດ ແລະຂ້າລາຊະການຂອງພະອົງໄດ້ຈັດຕັ້ງຂຶ້ນໄວ້ ເພື່ອບົວລະບັດຄົນເລວີ ມີຄົນໃຊ້ປະຈຳພຣະວິຫານສອງຮ້ອຍຊາວຄົນ ບຸກຄົນເຫລົ່ານີ້ທັງໝົດມີຊື່ລະບຸໄວ້
ການຖືສິນອົດອາຫານທີ່ແມ່ນ້ຳອາຮາວາ
21ແລ້ວຂ້າພະເຈົ້າກໍປະກາດໃຫ້ຖືສິນອົດອາຫານບ່ອນນັ້ນ ຄືທີ່ແມ່ນ້ຳອາຮາວາ ເພື່ອເຮົາທັງຫລາຍຈະໄດ້ຖ່ອມຕົວລົງຕໍ່ພຣະພັກພຣະເຈົ້າຂອງເຮົາ ເພື່ອຈະທູນຂໍຫົນທາງອັນຖືກຕ້ອງຈາກພຣະອົງ ສຳລັບເຮົາ ລູກຫລານຂອງເຮົາ ແລະສິ່ງຂອງທັງໝົດຂອງເຮົາ22ເພາະຂ້າພະເຈົ້າອັບອາຍທີ່ຈະທູນຂໍກອງທະຫານ ແລະພົນທະຫານມ້າຈາກກະສັດ ເພື່ອຊ່ວຍເຮົາສູ້ສັດຕູຕາມທາງຂອງເຮົາ ໃນເມື່ອເຮົາໄດ້ກາບທູນກະສັດແລ້ວວ່າ “ພຣະຫັດຂອງພຣະເຈົ້າຂອງເຮົາຢູ່ກັບບັນດາຜູ້ທີ່ສະແຫວງຫາພຣະອົງສຳລັບການດີ ແຕ່ລິດທານຸພາບແລະພຣະພິໂລດຂອງພຣະອົງຕໍ່ສູ້ຄົນເຫລົ່ານັ້ນທີ່ປະຖິ້ມພຣະອົງ”23ເຮົາຈຶ່ງອົດອາຫານ ແລະອ້ອນວອນພຣະເຈົ້າຂອງເຮົາເພື່ອເລື່ອງນີ້ ແລະພຣະອົງຊົງຟັງສຽງຮ້ອງທູນຂອງເຮົາ
ຊັບສົມບັດມອບໄວ້ແກ່ປະໂລຫິດສິບສອງຄົນ
24ແລ້ວຂ້າພະເຈົ້າໄດ້ເລືອກຕັ້ງປະໂລຫິດໃຫຍ່ສິບສອງຄົນຄື ເຊເຣບີຢາ ຮາຊາບີຢາ ແລະພີ່ນ້ອງຂອງພວກເຂົາທີ່ຢູ່ກັບພວກເຂົາສິບຄົນ25ຂ້າພະເຈົ້າໄດ້ຊັ່ງເງິນ ແລະຄຳ ກັບເຄື່ອງໃຊ້ ເຄື່ອງບູຊາສຳລັບພຣະວິຫານຂອງພຣະເຈົ້າຂອງເຮົາ ມອບໃຫ້ພວກເຂົາທັງຫລາຍ ຊຶ່ງກະສັດ ແລະທີ່ປຶກສາ ລວມທັງເຈົ້ານາຍຂອງພະອົງ ແລະຄົນອິສຣາເອນທັງປວງບ່ອນນັ້ນໄດ້ຖວາຍໄວ້
26ຂ້າພະເຈົ້າໄດ້ຊັ່ງໃສ່ມືຂອງພວກເຂົາເປັນເງິນຫົກຮ້ອຍຫ້າສິບຕະລັນຕົນ
ໜຶ່ງຕະລັນຕົນ ຄື 3.4 ກິໂລ (kg)
ແລະເຄື່ອງໃຊ້ທີ່ເຮັດດ້ວຍເງິນມີຄ່າໜຶ່ງຮ້ອຍຕະລັນຕົນ ແລະຄຳຮ້ອຍຕະລັນຕົນ27ຊາມຄຳຊາວໜ່ວຍມີຄ່າໜຶ່ງພັນດາຣິກໜຶ່ງພັນດາຣິກ ຄື 8.4 ກິໂລ (kg)
ແລະເຄື່ອງໃຊ້ທອງເຫລືອງເນື້ອລະອຽດສຸກໃສສອງໜ່ວຍມີຄ່າເທົ່າກັບຄຳ28ຂ້າພະເຈົ້າບອກພວກເຂົາວ່າ “ທ່ານທັງຫລາຍບໍລິສຸດຕໍ່ພຣະຜູ້ເປັນເຈົ້າ ແລະເຄື່ອງໃຊ້ກໍບໍລິສຸດ ແລະເງິນກັບຄຳເປັນຂອງຖວາຍດ້ວຍໃຈສະໝັກແດ່ພຣະຜູ້ເປັນເຈົ້າພຣະເຈົ້າແຫ່ງບັນພະບູລຸດຂອງທ່ານທັງຫລາຍ29ຈົ່ງເຝົ້າເບິ່ງໄວ້ຈົນກວ່າທ່ານຊັ່ງສິ່ງເຫລົ່ານັ້ນຕໍ່ໜ້າພວກປະໂລຫິດໃຫຍ່ ແລະຄົນເລວີ ກັບຫົວໜ້າຂອງຕະກູນອິສຣາເອນໃນເຢຣູຊາເລັມ ພາຍໃນຫ້ອງພຣະວິຫານຂອງພຣະຜູ້ເປັນເຈົ້າ”30ບັນດາປະໂລຫິດ ແລະຄົນເລວີຈຶ່ງຮັບເງິນ ແລະຄຳທີ່ໄດ້ຊັ່ງ ກັບເຄື່ອງໃຊ້ ເພື່ອນຳໄປຍັງເຢຣູຊາເລັມໃນພຣະວິຫານຂອງພຣະເຈົ້າຂອງເຮົາ
ເອັດຊະຣາເຖິງເຢຣູຊາເລັມ
31ແລ້ວເຮົາກໍອອກຈາກແມ່ນ້ຳອາຮາວາໃນວັນທີສິບສອງຂອງເດືອນຕົ້ນ ເພື່ອໄປຍັງເຢຣູຊາເລັມ ແລະພຣະຫັດຂອງພຣະເຈົ້າຂອງເຮົາຢູ່ກັບເຮົາ ພຣະອົງໄດ້ຊ່ວຍເຮົາໃຫ້ພົ້ນຈາກມືຂອງສັດຕູ ຈາກພວກດັກຊຸ້ມຄອຍຖ້າຢູ່ຕາມທາງ32ເຮົາມາເຖິງເຢຣູຊາເລັມ ແລະພັກຢູ່ບ່ອນນັ້ນສາມມື້33ໃນວັນທີສີ່ພາຍໃນພຣະວິຫານຂອງພຣະເຈົ້າຂອງເຮົາ ກໍຊັ່ງເງິນຄຳ ແລະເຄື່ອງໃຊ້ໃສ່ມືຂອງເມເຣໂມດປະໂລຫິດ ລູກຊາຍອູຣີຢາ ແລະຄົນທີ່ຢູ່ກັບພວກເຂົາຄືເອເລອາຊາລູກຊາຍຟີເນຮາດ ແລະຄົນທີ່ຢູ່ກັບພວກເຂົາທັງຫລາຍຄື ໂຢຊາບັດ ລູກຊາຍເຢຊູອາ ແລະໂນອາດີຢາລູກຊາຍບິນນຸຍ ຄົນເລວີ34ພວກເຂົາຊັ່ງ ແລະນັບທັງໝົດ ແລ້ວບັນທຶກນ້ຳໜັກຂອງທຸກສິ່ງໄວ້
35ບັນດາລູກຫລານຂອງພວກທີ່ຖືກກວາດໄປເປັນຊະເລີຍ ຊຶ່ງໄດ້ກັບມາຈາກການເປັນຊະເລີຍ ໄດ້ຖວາຍເຄື່ອງເຜົາບູຊາແດ່ພຣະເຈົ້າແຫ່ງອິສຣາເອນ ມີງົວເຖິກສິບສອງໂຕສຳລັບພວກອິສຣາເອນທັງປວງ ແກະຜູ້ເກົ້າສິບຫົກໂຕ ລູກແກະເຈັດສິບເຈັດໂຕ ແລະແບ້ຜູ້ສິບສອງໂຕເປັນເຄື່ອງບູຊາໄຖ່ບາບ ທັງໝົດນີ້ເປັນເຄື່ອງເຜົາບູຊາຖວາຍພຣະຜູ້ເປັນເຈົ້າ
ພວກເຂົາມອບພະລາຊະອົງການໃຫ້ແກ່ຜູ້ປົກຄອງ
36ພວກເຂົາທັງຫລາຍໄດ້ມອບພະລາຊະອົງການໃຫ້ແກ່ຜູ້ປົກຄອງ ແລະຂ້າລາຊະການຂອງກະສັດ ຟາກແມ່ນ້ຳຕາເວັນຕົກ ແລະພວກເພິ່ນເຫລົ່ານີ້ໄດ້ຊ່ວຍເຫລືອປະຊາຊົນ ກັບພຣະວິຫານຂອງພຣະເຈົ້າ