ຈົ່ງລ້ຽງຝູງແກະຂອງພຣະເຈົ້າ
1ເຫດສັນນັ້ນຂ້າພະເຈົ້າໃນຖານະທີ່ເປັນເຖົ້າແກ່ຜູ້ໜຶ່ງ, ເປັນພະຍານເຖິງຄວາມທຸກທໍລະມານຂອງພຣະຄຣິດ, ແລະມີສ່ວນທີ່ຈະຮັບສະຫງ່າລາສີຊຶ່ງຈະປະກົດມາພາຍຫລັງ ຈິ່ງເຕືອນສະຕິບັນດາເຖົ້າແກ່ໃນຖ້າມກາງທ່ານທັງຫລາຍ.2ຈົ່ງລ້ຽງຝູງແກະຂອງພຣະເຈົ້າທີ່ຝາກໄວ້ກັບພວກທ່ານ ຈົ່ງດູແລເຂົາບໍ່ແມ່ນດ້ວຍໃຈຂົມຂື່ນ ແຕ່ດ້ວຍເຕັມໃຈຕາມນ້ຳພຣະໄທຂອງພຣະເຈົ້າ ບໍ່ແມ່ນດ້ວຍເຫັນແກ່ຊັບສິ່ງຂອງທີ່ໄດ້ມາໃນທາງທຸຈະລິດ ແຕ່ດ້ວຍໃຈເຫລື້ອມໃສ.3ບໍ່ແມ່ນເໝືອນເປັນເຈົ້ານາຍເໝືອນພວກທີ່ຊົງຝາກໄວ້ກັບພວກທ່ານ ແຕ່ໃຫ້ເປັນແບບຢ່າງແກ່ຝູງແກະນັ້ນ.4ແລະເມື່ອພຣະຜູ້ລ້ຽງຜູ້ຍິ່ງໃຫຍ່ຈະສະເດັດມາປະກົດ ທ່ານທັງຫລາຍຈະໄດ້ຮັບສະຫງ່າລາສີເປັນພວງມາໄລທີ່ບໍ່ຮູ້ຫ່ຽວແຫ້ງໄປ.
5ເໝືອນດັ່ງນັ້ນແຫລະ, ພວກທ່ານຜູ້ມີອາຍຸອ່ອນກວ່າ ຈົ່ງນ້ອມຟັງພວກເຖົ້າແກ່ ພວກທ່ານທຸກຄົນຈົ່ງເອົາຄວາມຖ່ອມໃຈເປັນເຄື່ອງຄາດແອວໄວ້
ພາສາເດີມໝາຍເຖິງຜ້າອ້ຽມທີ່ຄົນໃຊ້ເຄີຍໃຊ້ໃນເວລາປະຕິບັດນາຍຂອງຕົນ.
ໃນການປະຕິບັດເຊິ່ງກັນແລະກັນ ດ້ວຍວ່າ, “ພຣະເຈົ້າຊົງຕໍ່ສູ້ຄົນທີ່ຈອງຫອງແຕ່ຊົງປະທານພຣະຄຸນແກ່ຄົນທີ່ຖ່ອມໃຈລົງ.”6ເຫດສັນນັ້ນທ່ານທັງຫລາຍຈົ່ງຖ່ອມໃຈລົງໃຕ້ພຣະຫັດອັນຊົງລິດຂອງພຣະເຈົ້າເພື່ອວ່າພຣະອົງຈະຊົງຍົກພວກທ່ານຂຶ້ນເມື່ອເຖິງເວລາອັນຄວນ.7ຈົ່ງປະຄວາມກະວົນກະວາຍຂອງພວກທ່ານໄວ້ກັບພຣະອົງ ເພາະວ່າພຣະອົງຊົງຫ່ວງໃຍພວກທ່ານຢູ່.8ທ່ານທັງຫລາຍຈົ່ງຄອຍລະວັງຕົວແລະເຝົ້າຢູ່ ດ້ວຍວ່າສັດຕູຂອງພວກທ່ານຄືມານ ທຽວວົນວຽນໄປມາເໝືອນໂຕສິງທີ່ແຜດສຽງຊອກຫາຄົນທີ່ມັນຈະກັດກິນໄດ້.9ຈົ່ງຕໍ່ສູ້ກັບສັດຕູນັ້ນດ້ວຍໃຈໝັ້ນຄົງໃນຄວາມເຊື່ອ ໂດຍຮູ້ແລ້ວວ່າ ພີ່ນ້ອງຂອງພວກທ່ານທົ່ວໂລກກໍປະສົບກັບຄວາມທຸກລຳບາກຢ່າງດຽວກັນນີ້.10ແລະເມື່ອທ່ານທັງຫລາຍໄດ້ທົນທຸກຢູ່ຊົ່ວຂະນະໜຶ່ງແລ້ວ ພຣະເຈົ້າຜູ້ຊົງພຣະຄຸນທັງໝົດ, ຜູ້ໄດ້ຊົງເອີ້ນພວກທ່ານໃຫ້ເຂົ້າໃນສະຫງ່າລາສີອັນຕະຫລອດໄປໃນພຣະຄຣິດ ພຣະອົງເອງຈະຊົງໂຜດແປງໃຈພວກທ່ານໃຫ້ຕັ້ງຂຶ້ນໃໝ່ ແລະຕັ້ງໝັ້ນຄົງຢູ່ໃຫ້ມີກຳລັງຂຶ້ນ ແລະຊົງບັນດານໃຫ້ມີຮາກອັນແໜ້ນໜາ.11ລິດທານຸພາບຈົ່ງມີແດ່ພຣະອົງຕະຫລອດໄປເປັນນິດ ອາແມນ.ຄຳສະແດງຄວາມຄຳນັບຕອນທ້າຍ
12ຂ້າພະເຈົ້າໄດ້ຂຽນຢ່າງຫຍໍ້ໆ ມາຍັງທ່ານທັງຫລາຍ ໂດຍຜ່ານທາງຊີລາວານຊຶ່ງຂ້າພະເຈົ້າຖືວ່າເປັນພີ່ນ້ອງຜູ້ສັດຊື່ຄົນໜຶ່ງ ເພື່ອເຕືອນສະຕິແລະເປັນພະຍານແກ່ພວກທ່ານ ວ່າພຣະຄຸນນັ້ນເປັນພຣະຄຸນທີ່ແທ້ຈິງຂອງພຣະເຈົ້າ ຈົ່ງຕັ້ງໝັ້ນຄົງຢູ່ໃນພຣະຄຸນນັ້ນ.
13ນາງພາສາເດີມມີແຕ່ສັບພະນາມວ່າ “ລາວ” (ເພດຍິງ) ແຕ່ອາດຈະໝາຍເຖິງຄຣິສຕະຈັກຢູ່ກຸງໂຣມ (ເຊີນເບິ່ງ ພນມ. 17:5).
ທີ່ຢູ່ເມືອງບາບີໂລນ ຊຶ່ງຊົງເລືອກໄວ້ຢ່າງດຽວກັບພວກທ່ານ ແລະມາຣະໂກລູກຂອງເຮົາ ກໍຝາກຄວາມຄຶດເຖິງມາເໝືອນກັນ.14ຈົ່ງທັກທານກັນດ້ວຍການຈູບອັນສະແດງຄວາມຮັກ. ຂໍສັນຕິສຸກຈົ່ງມີແກ່ທ່ານທັງຫລາຍທີ່ຢູ່ໃນພຣະຄຣິດເທີນ.