ຈຸດປະສົງໃນການຂຽນໜັງສືເຫລັ້ມນີ້ເພື່ອຈະຊ່ວຍຕີຄວາມໝາຍຂອງຂໍ້ພຣະຄຳພີເທົ່ານັ້ນ ບໍ່ຄ່ອຍໄດ້ສອນຫລືຊີ້ແຈງບົດຮຽນຕ່າງໆ ຄືທີ່ທ່ານອາດຈະໄດ້ຮັບຟັງຕາມຄຣິສຕະຈັກ ແຕ່ເຮົາເຊື່ອແນ່ວ່າ ເມື່ອທ່ານເຂົ້າໃຈຄຳທີ່ພຣະວິນຍານບໍລິສຸດໄດ້ໂຜດຂຽນໄວ້ໃນພຣະຄຳ ພີໄດ້ດີຫລາຍແລ້ວ ພຣະວິນຍານອົງດຽວກັນນັ້ນຈະກ່າວໃນຈິດໃຈຂອງທ່ານອີກດ້ວຍ
ໃນການອ່ານປຶ້ມເຫລັ້ມນີ້ ຄວນຈະອ່ານຂໍ້ພຣະຄຳພີຄວບຄູ່ໄປນຳ ບໍ່ດັ່ງນັ້ນຈະບໍ່ໄດ້ຮັບ ປະໂຫຍດເທົ່າທີ່ຄວນ ຈຶ່ງຂໍແນະນຳວ່າ ກ່ອນຈະອ່ານແຕ່ລະບົດ ຄວນຈະອ່ານຂໍ້ອ້າງ ອີງຂອງພຣະຄຳພີທີ່ຂຽນໄວ້ຕາມຫົວຂໍ້ໃຫ້ຈົບແລ້ວຈຶ່ງຈະເລີ່ມສຶກສາຄຳອະທິບາຍໃນບົດ ຮຽນ ແລະກັບໄປອ່ານຂໍ້ພຣະຄຳພີທີ່ອະທິບາຍໄວ້ນັ້ນອີກເທື່ອໜຶ່ງ ຕົວເລກໃນວົງເລັບລົງ ທ້າຍທຸກຂໍ້ໝາຍເຖິງຂໍ້ພຣະຄຳພີທີ່ອະທິບາຍໄວ້ນັ້ນ
ອຸປະກອນຢ່າງອື່ນທີ່ຈະຊ່ວຍໃນການສຶກສາພຣະຄຳພີຄື ແຜນທີ່ ແລະປຶ້ມຄູ່ມືອື່ນໆ ເຊັ່ນ ຊື່ແລະຄຳສັບຕ່າງໆໃນພຣະຄຳພີ (ຄູ່ມືຄຳສັບພຣະຄຳພີ) ເປັນຕົ້ນ
ເຮົາຫວັງວ່າປຶ້ມຫົວນີ້ຈະເປັນປະໂຫຍດສຳລັບທຸກຄົນທີ່ປາດຖະໜາຢາກຈະເຂົ້າໃຈ ພຣະຄຳພີໃຫ້ລະອຽດຂຶ້ນ
ຜູ້ຂຽນ ແລະ ຜູ້ແປພາສາ